Tuba

Bangod Sa Tuba
Ni Maeara
December 5, 2009

Bangod sa tuba
Nagaugan ro araduhon
O ro pagligaw it baeay.
Nagaeawig ro sugilanon
Nagahaba ro mga kaeantahon.
Indi eon masayran
Nga ro buean hay nagatunod eon.
Bangod sa tuba
Malipatan ro manabaw nga taeagbasan
O ro inug-ilabas hay linugaw eon lang.
Bangod sa tuba
Ro owa't katapusan nga mga sermon ni missis
Hay indi eon mabatian
Kapin pa gid kon galibot eon ro kalibutan
Ag ro karsada hay
Bukon eo't tadlong.

Ay, tuba!
Himaya ka!